پشاور (این این آئی) پشاور ہائی کورٹ نے عام انتخابات عدلیہ کی نگرانی میں کروانے کی پی ٹی آئی کی درخواست پر الیکشن کمیشن کو نوٹس جاری کردیا۔تفصیلات کے مطابق پشاور ہائی کورٹ میں جسٹس شکیل احمد اور جسٹس وقار احمد پر مشتمل دو رکنی بنچ نے عام انتخابات عدلیہ کی نگرانی میں کروانے کی پی ٹی آئی کی درخواست پر سماعت کی ۔
ایڈووکیٹ جنرل اور درخواست گزار وکیل عدالت میں پیش ہوئے۔درخواست گزار وکیل معظم بٹ نے عدالت کو بتایا کہ ہم نے عدلیہ کی نگرانی میں انتخابات کرانے کے لئے درخواست دائر اس لیے کہ کیونکہ آرٹیکل 218 (3) کے تحت صاف و شفاف اور غیر جانبدارالیکشن کرانا لازمی ہیں۔
معظم بٹ نے کہا کہ دوسری طرف گورنر اور نگراں صوبائی حکومت متنازع ہوچکی، پی ٹی آئی کو انتخابی مہم کی اجازت نہیں ہے، پارٹی کی مرکزی، صوبائی اور نچلی سطح کی قیادت گرفتار اورانہیں مقدمات سامنا ہے۔عدالت نے الیکشن کمیشن کو نوٹس جاری کرتے ہوئے آئندہ سماعت پر جواب طلب کرلیا اور سماعت 18دسمبر تک ملتوی کردی۔
