کراچی(این این آئی)کراچی کے علاقے ناردرن بائی پاس کے قریب یونیورسٹی کے ہاسٹل سے طالب علم کی لاش ملی ہے۔اس حوالے سے پولیس حکام نے بتایاکہ ہاسٹل سے ملنے والی طالب علم کی لاش 2 سے 3 دن پرانی ہے، مرنے والے طالب علم کی شناخت امن کمار کے نام سے ہوئی ہے۔

پولیس نے بتایا ہے کہ طالب علم کمپیوٹر سائنس تھرڈ ایئر میں زیرِ تعلیم تھا، موت کی وجہ جانے کے لیے لاش کو اسپتال منتقل کر دیا گیا ہے۔دوسری جانب ہاسٹل انچارج عابد حسین نے میڈیا سے گفتگو کرتے ہوئے کہا ہے کہ متوفی امن کمار کا تعلق شہداد کوٹ سے تھا۔ متوفی کے پھوپھا راج کمارنے بتایا کہ امن کمار ہاسٹل کے روم میں 2 ماہ سے اکیلا رہائش پزیر تھا، مرنے والا نوجوان 3 بہنوں کا اکلوتا بھائی تھا۔راج کمار نے بتایا کہ ڈاکٹر کی ابتدائی تحقیقات کے مطابق امن کمار کی طبعی موت ہوئی ہے۔