استنبول(این این آئی)ترک صدر رجب طیب اردوان نے کہا ہے کہ اسرائیل کا رویہ ریاست کے بجائے ایک تنظیم جیسا ہے۔ غیرملکی خبررساں ادارے کے مطابق استنبول سے جاری بیان میں ترک صدر نے کہا کہ شہری مقامات پر بمباری، شہریوں کا قتل، انسانی امداد روکنا ریاست کے نہیں ایک تنظیم کے اقدامات ہیں۔
صدر رجب طیب اردوان نے کہا کہ جنگ کا ایک ضابطہ ہونا چاہیے، فریقین کو اس کا احترام کرنا چاہیے۔ انہوں نے کہا کہ بدقسمتی سے اسرائیل اور غزہ میں جنگی اصول کی سنگین خلاف ورزی کی جاتی ہے۔ غزہ میں بیگناہ شہری اسرائیلی بمباری کا نشانہ بن رہے ہیں۔
