ممبئی(این این آئی) بالی ووڈ اداکارہ انوشکا شرما اور بھارتی کرکٹر ویرات کوہلی نے ورلڈ کپ 2023کے میچز کے ٹکٹ مانگنے والوں کو گھر میں بیٹھ کر ہی کرکٹ سے لطف اٹھانے کا مشورہ دے دیا ۔بھارتی میڈیا کے مطابق ویرات کوہلی نے انسٹاگرام اکائونٹ پر اپنے ان دوستوں کیلئے خصوصی پیغام جاری کیا ہے جو ان سے آئی سی سی ورلڈ کپ 2023 کے میچز کے ٹکٹ مانگ رہے ہیں۔ویرات کوہلی نے کہا کہ آئی سی سی ورلڈ کپ کا آغاز ہوچکا ہے تو تمام دوستوں سے درخواست کرنا چاہتا ہوں کہ براہِ کرم!
مجھے سے ٹکٹ کا تقاض نہ کریں اور گھر میں بیٹھ کر ہی کرکٹ سے لطف اٹھائیں۔دوسری جانب انوشکا شرما نے بھی شوہر کی بات کو آگے پہنچاتے ہوئے انسٹاگرام اکائونٹ پر ٹکٹوں سے متعلق بیان جاری کرتے ہوئے کہا کہ میں کہنا چاہتی ہوں کہ کوہلی کی طرف سے جواب نہ ملنے پر براہ کرم مجھ سے بھی میچ کے ٹکٹ کی گزارش نہ کی جائے۔انہوں نے کہا کہ ہماری بات کو سمجھنے کیلئے سب کا شکریہ۔
