ڈھاکا(این این آئی)بنگلادیش کو ڈینگی کی بدترین وبا کا سامنا ہے، سرکاری اعداد و شمار کے مطابق رواں سال مچھر سے پھیلنے والی بیماری کے باعث ہونے والی اموات ایک ہزار سے تجاوز کرگئیں۔
غیرملکی خبررساں ادراے نے بتایا کہ بنگلادیش کی وزارت صحت کے جاری کئے گئے اعداد و شمار کے مطابق رواں سال ڈینگی کے 2 لاکھ سے زائد کیسز کی تصدیق ہوئی جبکہ اس بیماری سے ہونے والی اموات ایک ہزار 6 ہوگئی ہیں۔بنگلہ دیشی عہدیدار کے مطابق رواں سال ڈینگی سے ہونے والی اموات گزشتہ سالوں کے مقابلے میں کئی زیادہ ہیں۔عالمی ادارہ صحت کے سربراہ ٹیڈروس نے گزشتہ ماہ خبردار کیا تھا کہ وبا بنگلہ دیش میں صحت کے نظام پر بہت زیادہ دباو? ڈال رہی ہے۔
