اسلام آباد (این این آئی)سابق وزیرِ دفاع اور رہنما پاکستان مسلم لیگ (ن )خواجہ آصف نے مہنگی بجلی پر احتجاج کرتے ہوئے کہا ہے کہ بعض شہروں اور بعض مارکیٹوں میں 85 فیصد بجلی چوری ہوتی ہے، بجلی چوری کا نقصان پورا کرنے کیلئے ریٹ بڑھا دیا جاتا ہے۔ایک انٹرویو میں انہوں نے کہا کہ بجلی کے بلوں میں 24 فی صد ٹیکس لگ کر آ رہا ہے ، ٹیکس کلیکشن ایف بی آر کی ذمہ داری ہے لیکن ٹیکس بھی بجلی کے بلوں میں لیا جا رہا ہے۔

خواجہ آصف نے کہا کہ اللہ کی دی ہوئی روشنی کوئی استعمال نہیں کرتا، دن 12 بجے کے بعد مارکیٹیں کھلتی ہیں، دکانوں میں 5ـ5 سو واٹ کے بلب لگے ہوتے ہیں۔انہوںنے کہاکہ ارکان اسمبلی یا وزیروں کو بجلی مفت نہیں ملتی ، عدلیہ اور بیوروکریسی بجلی مفت استعمال کرتے ہیں۔