پشاور(این این آئی)خیبر پختونخوا کی نگران حکومت کا مستقبل کا فیصلہ ایک دو روز میں ہونے کا امکان ہے۔ذرائع کے مطابق خیبر پختونخوا کی نگران کابینہ کی تبدیلی کا فیصلہ کر لیا گیا ہے،نئے وزراء کے لئے نیوٹرل افراد کا انتخاب کیا جائے گا تاکہ وہ بغیر کسی سیاسی وابستگی کے انتخابات کرانے کی اپنی آئینی ذمہ درای ادا کر سکیں۔اس سے قبل کہا جا رہا تھاکہ نگران کابینہ کے 4وزراء کے علاوہ باقی سب تبدیل ہوں گے لیکن اب ذرائع کی اطلاعات کے مطابق پوری کابینہ تبدیل کی جائے گی جس کے لئے نام فائنل ہو رہے ہیں۔دوسری جانب گورنر خیبر پختونخوا حاجی غلام علی کی بھی تبدیلی کی خبریں آرہی ہیں اور اس ضمن میں کہا جا رہا ہے کہ گورنر کیلئے غیر سیاسی امیدوار کو ترجیح دی جائے گی۔