لاہور( این این آئی)بھارت نے دریائے ستلج میں بھی پانی چھوڑ دیا ،بھارت نے ہریکے کے مقام سے 70614 کیوسک پانی دریائے ستلج میں چھوڑا ہے۔ترجمان پی ڈی ایم اے کے مطابق بھارت کی جانب سے دریائے ستلج میں پانی چھوڑے جانے کے بعد الرٹ جاری کر دیا گیا ہے ۔بھارت کی جانب سے چھوڑا گیا پانی پانی ضلع قصور گنڈا سنگھ کے مقام سے پاکستانی حدود میں داخل ہو گا۔قصور، اوکاڑہ، وہاڑی ، پاکپتن اور وہاڑی کے ڈپٹی کمشنرز کو پیشگی انتظامات مکمل کرنے کی ہدایت کرتے ہوئے کہا گیاہے کہ تمام اضلاع ریلیف کیمپس کا قیام عمل میں لائیں۔لوگوں کو محفوظ مقامات پر منتقل کرنے کے لیے اقدامات اٹھائے جائیں۔ ترجمان پی ڈی ایم اے کے مطابق پیشگی انتظامات کے ذریعے لوگوں کے جان و مال کو یقینی بنایا جا سکتا ہے۔ڈی جی پی ڈی ایم اے عمران قریشی نے کہا ہے کہ شہری دریاں اور نہروں کے قریب جانے سے گریز کریں۔