لاہور(این این آئی)پاکستان تحریک انصاف کے سینئر مرکزی رہنما ہمایوں اختر خان نے پارٹی چھوڑنے کا اعلان کر دیا۔ہمایوں اختر خان نے کہا کہ قیام پاکستان سے لے کرآج تک ہمارے خاندان کا پاک فوج سے لازوال تعلق ہے۔ شہید اخترعبدالرحمن جس فوج کے جرنیل تھے اس پر ہمیں فخر ہے اور ہمیشہ رہے گا، قوم نے ہمیشہ پاک افواج کابہت احترام کیا ہے۔
انہوں نے کہا کہ 9مئی کے واقعات نے ہمارے خاندان کو بھی انتہائی افسردہ کیا، ہمارے شہداء کا لہو اور قربانیاں یہ قوم کبھی فراموش نہیں کرے گی، اس کی جتنی مذمت کی جائے وہ کم ہے۔انہوں نے مزید کہا کہ شہید کی اولاد ہونے کے ناطے پرتشدد واقعات میرے لیے شدید باعث رنج تھا، میرے لیے پاکستان تحریک انصاف کے ساتھ تعلق جاری رکھنا ممکن نہیں رہا، لہٰذا میں پارٹی کو چھوڑنے کا اعلان کرتا ہوں۔
