کراچی(این این آئی)انٹر بینک میں روپے کے مقابلے ڈالر کی قدر 4پیسے کم ہوگئی تاہم اوپن مارکیٹ میں ڈالر1روپیہ سستا ہو گیا ۔ اسٹیٹ بینک میں منگل کو روپے کے مقابلے ڈالر کی قدر4پیسے کی کمی سے 287.22روپے ہوگئی جبکہ فاریکس ایسوسی ایشن آف پاکستان کی رپورٹ کے مطابق انٹربینک میں ڈالر235روپے رہا۔ اوپن مارکیٹ میں ڈالر 1روپے سستا ہو گیا جس سے ڈالر کی قدر293روپے سے گھٹ کر292روپے پر آ گئی ۔فاریکس رپورٹ کے مطابق یورو کی قدر317روپے پر مستحکم رہی جبکہ برطانویپائونڈ کی قدر2روپے کی کمی سے373روپے سے گھٹ کر371روپے پر آ گئی ۔ سعودی ریال 1 روپے کم ہوکر77.20روپے پر آ گیا جبکہ یو اے ای درہم 80پیسے کی کمی سے 80.20روپے ہوگیا۔