پشاور (این این آئی)نگراں وزیر اطلاعات خیبر پختونخوا فیروز جمال شاہ نے کہا ہے کہ اگر فیض حمید خود کو سابق جنرل کہلوانا چاہتے ہیں تو 9مئی واقعات کی مذمت کریں۔پشاور میں میڈیا بریفنگ کے دوران فیروز جمال شاہ نے کہا کہ 9 اور 10 مئی کو دہشت گردی اور بربریت کی گئی ریاست کیخلاف ٹوئٹس کو ڈیلیٹ کیا جائے۔انہوں نے کہا کہ یوٹیوبر عادل راجا کو بھارت سے فنڈنگ ہوتی ہے، یہ بھارتی ایجنٹ ہے وہاں کے کاروباری شخصیات انہیں رقم دیتے ہیں جس کے ثبوت بھی موجود ہیں۔
فیروز جمال شاہ نے کہا کہ پی ٹی آئی چیئرمین اور عادل راجہ ریاست و اداروں کے خلاف ٹویٹس کرتے ہیں، غلط ٹویٹس کے ذریعے پاکستان کے خلاف پروپیگنڈا کیا جاتا ہے، ریاست مخالف ٹویٹ اور یوٹیوبر کو روکنے کا مطالبہ کرتے ہیں۔انہوں نے کہا کہ ریڈیو پاکستان اور جناح ہاس ہمارا اثاثہ ہیں، ان لوگوں کے گھر بیج کر ریڈیو پاکستان اور جناح ہاؤس کو بنایا جائے۔ انہوں نے کہا کہ لیفٹیننٹ جنرل (ر)فیض حمید سے اگر واقعی فوجی ہیں اور خود کو ریٹائرڈ فوجی سمجھتے ہیں تو انہیں 9مئی کی تردید کرنی چاہئے، گزارش ہے قوم کے سامنے ان واقعات کی مذمت کریں۔
