کراچی(نیوزڈیسک)سابق فوجی صدر جنرل (ر)پرویز مشرف نے اعتراف کیاہے کہ میڈیا کو آزادی دے کر انہیں بہت زیادہ نقصان اٹھانا پڑاہے ۔اپنے ایک انٹرویو کے دروان پرویز مشرف نے انکشاف کیاکہ جنرل مظفر عثمانی اور جنرل محمود وائس چیف آف اسٹاف بننے کے خواہشمند تھے ۔روزنامہ اوصاف کے مطابق سابق فوجی صدر نے کہاکہ انہو ں نے ناراض دوستوں کوپرکشش عہدوں کی پیشکش کی ، پاکستان میں کرپشن کی تاریخ کافی پرانی ہے تاہم میں نے ہمیشہ ملک کو ترجیح دی ۔فوج پر پیپلزپارٹی کے شریک چیئرمین کی جانب سے کڑی تنقید سے متعلق ایک سوال کے جواب میں انہوں نے کہاکہ یہ غیر موزوں رویہ ہے جو جھول رکھنے والا شخص ہی ظاہر کرسکتاہے ۔کالاباغ ڈیم کی اہمیت اور تعمیر سے متعلق ایک سوال کے جواب میں انہوں نے مزید کہاکہ آج بھی بغیر کسی وجہ کے اس کے خلاف بیان بازی کی جارہی ہے ۔انہوں نے مزید کہاکہ نوازشریف ، بے نظیر بھٹو اور آصف زرداری بھی کالاباغ ڈیم بارے لوگوں کے خدشات دور کرنے میں ناکام رہے ہیں