اسلام آباد (نیوزڈیسک)مسلم لیگ (ن) کے رہنماءاور رکن قومی اسمبلی دانیال عزیز نے عمران خان کے بیان پر ردعمل دیتے ہوئے کہا ہے کہ پنجاب انتظامیہ کو الزام دینے والے چیئرمین پی ٹی آئی اپنے اس وزیر کا نام بھی بتا دیتے جو بیلٹ بکس لیکر گھر لے گئے تھے۔ نندی پور پراجیکٹ کے بارے میں حکومت نے اپنا موقف پیش کر دیا ہے، عمران ہائیڈل پاور سکینڈل پر قوم کو وضاحت کریں، انہوں نے کہا کہ الیکشن سے پہلے دھاندلی کا شور مچا کر عمران خان نے اپنی ناکامی کا اعلان کردیا ہے، دانیال عزیز نے کہا کہ کسان پیکیج ، دانش سکول اور میٹرو بس منصوبوں پر تنقید کرکے چیئرمین پی ٹی آئی نے عوام کےساتھ دشمنی کا اعلان کیا ہے، انہوں نے کہا کہ نندی پور پراجیکٹ 2007ءمیں شروع ہوا تھا اس حوالے سے قوم کو گمراہ نہ کیا جائے۔انہوں نے کہا کہ ابھی تک تمام ضمنی انتخابات میں بھرپور کمپین کے باوجود پی ٹی آئی کو بدترین شکست کا سامنا کرنا پڑ رہا ہے۔انہوں نے کہا کہ حسن نواز شریف نے بیرون ملک کاروبار جلاوطنی میں شروع کیا پاکستان کا آئین کسی کو بیرون ملک کاروبار سے نہیں روکتاہے۔