کراچی (این این آئی) پاک سوزوکی کمپنی نے گاڑیوں پر نئے ٹیکسز نہ لگانے کا مطالبہ کردیا، حکومت آئندہ بجٹ میں گاڑیوں پر انوائس ریٹ سے وود ہولڈنگ لگانا چاہتی ہے۔تفصیلات کے مطابق پاک سوزوکی موٹر کمپنی نے کاروں پر انوائس کے ذریعے وود ہولڈنگ ٹیکس نہ لگانے کا مطالبہ کر دیا۔کمپنی کا کہنا ہے کہ پہلے ہی سے سوزوکی کار کمپنی نقصان میں چل رہی ہے،

کمپنی کو پہلے کوارٹرمیں بارہ ارب نوے کروڑ روپے کا نقصان ہوچکا ہے۔کمپنی کی جانب سے مزید کہا گیا کہ ملک کے معاشی حالات کی وجہ سے کمپنی پروڈکشن پلانٹ کئی دن بند رکھتی ہے اور کمپنی مکمل طور پر بند ہونے کے قریب پہنچ چکی ہے۔پی اے ایم اے کے مطابق حکومت آئندہ بجٹ میں کار وں پر انوائس ریٹ سے وود ہولڈنگ لگانا چاہتی ہے، جس سے کاریں بہت زیادہ مہنگی ہو جائیں گی۔ابھی گاڑی خریدنے پر فائلرز کو دس ہزار سے پانچ لاکھ روپے تک وود ہولڈنگ ٹیکس دینا پڑتا ہے۔