نئی دہلی(این این آئی)بھارت کی ریاست اڑیسہ میں ہولناک ٹرین حادثے کے بعد ایک روزہ سوگ کا اعلان کردیا گیا۔بھارتی میڈیا کے مطابق وزیراعظم نریندر مودی نے حادثے پر افسوس کا اظہار کرتے ہوئے مرنے والوں کے لواحقین کے لیے 2 لاکھ روپے امداد کا اعلان کیا ہے اور صورتحال کا جائزہ لینے کے لیے اجلاس بھی بلا لیا ہے۔بھارتی وزیراعظم نے کہا کہ زخمیوں کی جلد صحت یابی کے لیے دعا گو ہوں۔بھارتی میڈیا کے مطابق وزیر ریلوے اشونی ویشنو اور اڑیسہ کے وزیراعلی نے جائے حادثہ کا دورہ کر کے معلومات حاصل کیں۔