لاہور ( این این آئی) خواتین سے بدسلوکی کی تردید کرنے پر پنجاب پولیس کے خلاف ٹرولنگ کرنے والوں کو گرفتار کرنے کا فیصلہ کیا ہے۔شرپسند عناصر پولیس افسران سے متعلق غیراخلاقی مواد وائرل کرنے لگے۔پولیس نے سوشل میڈیا پر شرانگیزی کرنے والوں کے گرد گھیرا تنگ کردیا۔نامعلوم اورجعلی ناموں سے آپریٹ ہونے والے اکائونٹس ٹریکنگ پر لگا دیئے گئے۔ پولیس کا کہنا ہے کہ نازیبا پوسٹ لگانے والوں کے آئی پی ایڈریس کے لئے ایف آئی اے سے رابطہ کرلیا۔اس سے قبل لاہور ہائیکورٹ میں پیشی کے وقت ملزم خواتین نے گفتگو کرتے ہوئے کہا کہ جیل میں بدسلوکی کے الزامات غلط ہیں۔جیل میں ہمارے ساتھ کوئی زیادتی نہیں ہوئی۔