اسلام آباد (این این آئی)پاکستان تحریکِ انصاف کی سینئر وائس پریزیڈنٹ، ویمن ونگ پنجاب کنیز فاطمہ نے پارٹی چھوڑنے کا اعلان کر دیا۔پیر کو یہاں ویمن ونگ پنجاب کنیز فاطمہ نے پارٹی چھوڑنے سے متعلق کی گئی پریس کانفرنس میں کہا ہے کہ 9 مئی کے واقعات کی مذمت کرتی ہوں، 2010ء سے پی ٹی آئی سے منسلک رہی ہوں، میں پی ٹی آئی سے مستعفی ہونے کا اعلان کر رہی ہوں۔کنیز فاطمہ نے کہا کہ کوئی بھی محب وطن پاکستانی ایسے واقعات کو پسند نہیں کرتا، پاکستان ہے تو ہم ہیں۔انہوں نے کہا کہ جتنے بھی عہدوں پر رہی ہوں ان سے آج مستعفی ہو رہی ہوں۔کنیز فاطمہ کا کہنا ہے کہ سیاست فی الحال نہیں کرنا چاہتی، سیاست سے بریک لینا چاہتی ہوں۔