اسلام آباد (این این آئی)این سی اے 190 ملین پائونڈ اسیکنڈل میں سابق وزیر اعظم عمران خان کا نام ای سی ایل میں شامل کر لیا گیا۔ذرائع کے مطابق عمران خان کا نام قومی احتساب بیورو (نیب) راولپنڈی کی سفارش پر ای سی ایل میں ڈالا گیا ہے۔ذرائع نے بتایا کہ وفاقی کابینہ نے عمران خان کا نام ای سی ایل میں شامل کرنے کی سرکلر سمری کے ذریعے منظوری دی۔ذرائع کے مطابق عمران خان کی اہلیہ بشریٰ بی بی کا نام بھی ای سی ایل میں شامل کرنے کا فیصلہ کر لیا گیا ہے۔ذرائع نے بتایا کہ بشریٰ بی بی کا نام ای سی ایل میں شامل کرنے کے لیے نیب کی جانب سے وزراتِ داخلہ کو خط لکھا جائے گا۔