گوادر (ایجنسیاں )سول ایوی ایشن اتھارٹی (سی اے اے )نےاتوارکو گوادر انٹرنیشنل ایئرپورٹ پر نائٹ لینڈنگ آپریشن شروع کر دیا۔ سی اے اے نے ستمبر کے لیے تمام ایئر لائنز اور ایوی ایشن کمپنیوں کو ہدایات جاری کی ہیں اور واضح کیا ہے کہ طیاروں کو رات کے وقت پارکنگ کی اجازت نہیں ہوگی۔ ایوی ایشن ریگولیٹر نے کہا کہ فوجی اور بلوچستان حکومت کی پروازوں کو خصوصی اجازت ہوگی۔ سی اے اے نے کہا کہ اس سلسلے میں حفاظتی انتظامات خود کرنے ہوں گے۔ نیوزایجنسیوں کے مطابق نائٹ لینڈنگ پر کچھ عرصہ قبل پابندی عائد کی گئی تھی۔

موضوعات:، گوادر