شیخوپورہ (این این آئی)وفاقی وزیر تعلیم رانا تنویر حسین نے کہا ہے کہ سابق وزیرِ اعظم عمران خان چاہتے ہیں انہیں این آر او دیا جائے۔ میڈیاسے گفتگو کرتے ہوئے رانا تنویر حسین نے کہا کہ عمران خان کو پہلے 60 ارب کی میگا کرپشن کا حساب دینا ہو گا، ملکی سیاست میں اب ان کا کوئی کردار نہیں ہے۔انہوں نے کہا کہ مذاکرات ہمیشہ سیاسی لوگوں سے کیے جاتے ہیں۔رانا تنویر حسین نے کہا کہ 9 مئی کے دہشت گردانہ فعل نے عمران خان کے ایجنڈے کو بینقاب کر دیا ہے، 9 مئی کے واقعات کا حساب دینا ہو گا۔وفاقی وزیر نے کہا کہ ملکی تاریخ میں مئی کا مہینہ دو لحاظ سے ہمیشہ یاد رکھا جائے گا، 28 مئی ایک سنہری دن جبکہ 9 مئی سیاہ دن کے طور منایا جائے گا۔