اسلام آباد (مانیٹرنگ ڈیسک) پی ٹی آئی کو چھوڑنے والے فواد چوہدری نے جہانگیر ترین گروپ سے رابطے کی خبروں پر ردعمل دیا ہے۔انہوں نے ٹوئٹر پر اپنے پیغام میں کہا کہ میں پہلے ہی کہہ چکا ہوں سیاست سے وقفہ لے رہا ہوں، فی الحال سیاست کرنے کا کوئی ارادہ نہیں ہے۔

واضح رہے کہ نجی ٹی وی کے مطابق جہانگیر ترین نے 100 سے زائد رہنماؤں سے رابطے اور ملاقاتیں کی ہیں۔ ترین گروپ کے ذرائع کے مطابق فواد چوہدری اور فردوس عاشق اعوان بھی جہانگیر ترین سے رابطے میں ہیں اس کے علاوہ کے پی کے سے بھی کئی رہنماؤں کا جہانگیرترین گروپ سے رابطہ ہے۔ ذرائع کے مطابق آئندہ دو تین روز میں تحریک انصاف چھوڑنے والے جہانگیرترین کے ساتھ چلنے کا اعلان کریں گے۔