اسلام آباد (این این آئی)چین پاکستان کو قرض واپسی میں مزید مہلت دینے کے لیے رضا مند ہوگیا۔ ذرائع وزارت خزانہ نے بتایا کہ 1.3 ارب ڈالر کے تجارتی قرضوں کی ری فنانسنگ اور ایک ارب ڈالر کے چینی حکومت کے فنڈز سے پاکستان کو فوری سہارا میسر آئے گا۔

تباہ کن سیلاب کے بعد بحالی کے لیے پاکستان کو کچھ ممالک سے 400ملین ڈالر تک کی امداد ملنے کا امکان ہے۔پاکستان کو آئندہ ماہ کے آخر تک 3.7ارب ڈالر کا قرضہ واپس کرنا ہے جبکہ موجودہ ملکی ذخائر 4.3ارب ڈالر کی سطح تک گرگئے ہیں۔ذرائع نے کہا کہ جون میں قرضوں کی 2اہم ادائیگیوں کے بعد چین پاکستان کی مزید مالی معاونت کرے گا۔