پشاور(این این آئی) خیبرپختونخوامیں 9 اور 10 مئی کے پرتشدد مظاہروں اور توڑ پھوڑ میں سرکاری ملازمین بھی ملوث پائے گئے ہیں۔پولیس حکام کے مطابق پرتشدد احتجاج میں 200 سے زیادہ سرکاری ملازمین کی نشاندہی کی گئی ۔
ملازمین کا تعلق پی ڈی اے، تعلیم اور صحت سمیت مختلف محکموں سے ہے،ملازمین کی شناخت سی سی ٹی وی فوٹیج سے کی گئی ہے۔پولیس حکام کے مطابق پرتشدد ملازمین سے متعلق متعلقہ محکموں کو اطلاع دی گئی ہے اس حوالے سے نگران وزیر اطلاعات بیرسٹر فیروز جمال شاہ نے کہا کہ پرتشدد مظاہروں میں بڑی تعداد میں سرکاری ملازمین موجود ہیں، مزید سرکاری ملازمین کی شناخت بھی کی جا رہی ہے۔بیرسٹر فیروز جمال شاہ کے مطابق توڑپھوڑ میں ملوث سرکاری ملازمین کے خلاف سخت کارروائی ہوگی۔
