راولپنڈی(این این آئی)پاکستان تحریک انصاف کے مرکزی رہنماء شاہ محمود قریشی اور مسرت جمشید چیمہ کو رہائی کے بعد دوبارہ گرفتار کرلیا گیا۔عدالتی حکم پر پی ٹی آئی رہنما شاہ محمود قریشی اور مسرت جمشید چیمہ کو اڈیالہ جیل سے رہا کیا گیا تھالیکن جیل سے باہر آتے ہی پنجاب پولیس نے دونوں کو دوبارہ گرفتار کرلیاگیا۔یاد رہے کہ تھری ایم پی اوکے تحت گرفتار ہونے والے شاہ محمود قریشی کو 18مئی کو عدالت نے فوری رہا کرنے کا حکم دیا تھا اور ان کی تھری ایم پی او کے تحت گرفتاری کالعدم قراردی تھی ، جسٹس میاں گل حسن نے ان کی رہائی بیان حلفی سے مشروط کی تھی۔اسلام آباد ہائیکورٹ کے حکم کی پیروی میں شاہ محمود قریشی کے وکلاء نے عدالت میں بیان حلفی جمع کرادیا تھا جس کے بعد انھیں اڈیالہ جیل سے کچھ دیر کیلئے رہائی کردیاگیاتھا۔