لاہور(این این آئی)پاکستان تحریک انصاف کے سینئر رہنما و سابق وفاقی وزیر شفقت محمود نے کہا کہ دو قسم کے لوگ پارٹی چھوڑنے کا فیصلہ کر رہے ہیں ایک وہ جن کو ہم نے ٹکٹ نہیں دئیے اوردوسرے وہ جو داباؤ برداشت نہیں کر رہے۔میڈیا سے گفتگو کرتے ہوئے شفقت محمود نے کہا کہ پی ٹی آئی سے تعلق رکھنے والے شاید کوئی ایک دو لوگ ایسے ہوں جو نظریاتی طور پر اختلاف رکھتے ہوں۔
چودھری وجاہت حسین کے پارٹی چھوڑنے پر شفقت محمود نے لاعلمی کا اظہار کیا۔انہوں نے کہا کہ پاکستان اس وقت شدید بحران میں ہے، معاشی بحران بہت زیادہ ہے، اس وقت ضروری ہے کہ ہم سب مل کر الیکشن کی تاریخ کا فیصلہ کریں۔معاشی بحران کا حل صرف انتخابات ہیں، پاکستان تحریک انصاف الیکشن پر بات کرنے کیلئے تیار ہے۔
