لاہور(این این آئی)سابق وزیراعلی پنجاب اور تحریک انصاف کے مرکزی صدر چوہدری پرویز الٰہی گزشتہ رات خاموشی سے گھر سے چلے گئے۔نجی ٹی وی نے خاندانی ذرائع کے حوالے سے کہا ہے کہ کسی کو بھی پتا نہیں چل رہا کہ چوہدری پرویز الٰہی کہاں چلے گئے ہیں؟۔

خاندانی ذرائع کا کہنا ہے کہ چوہدری پرویز الٰہی سے اتوار کی رات سے رابطہ نہیں ہورہا، وہ گزشتہ رات خاموشی سے گھر سے چلے گئے تھے۔ذرائع کے مطابق گزشتہ شام جب وزیراعظم شہباز شریف اتحادی جماعت (ق)لیگ کے سربراہ چوہدری شجاعت حسین کے گھر گئے تو پرویز الٰہی گھر سے چلے گئے تھے۔