لاہور( این این آئی) سابق وزیراعلیٰ پنجاب و تحریک انصاف کے صدر چودھری پرویز الٰہی نے عمران خان کا ڈٹ کر ساتھ دینے کا اعلان کردیا۔ایک بیان میں چو دھری پرویز الٰہی نے کہا کہ عمران خان کے ساتھ ہیں اور ڈٹ کر چیئرمین پی ٹی آئی کا ساتھ دیں گے۔انہوں نے کہا کہ فوج کے ساتھ اچھے تعلقات چاہتا ہوں، فوج اپنا ادارہ ہے، ہر دور میں کوشش رہی ہے کہ فوج کے ساتھ تعلقات اچھے رہیں۔انہوں نے کہا کہ چودھری وجاہت حسین دبائو میں ہیں، انہوں نے اپنا فیصلہ کیا جس پر ان سے کوئی ناراضگی نہیں ہے۔مجھے اور مونس الٰہی کو وجاہت کے پی ٹی آئی سے نکلنے کا کوئی رنج نہیں ہے، ہم عمران خان کے بیانیے کی حمایت کرتے ہیں۔اس سے قبل یہ اطلاعات بھی سامنے آئی تھیں کہ چودھری پرویز الٰہی اتوار کی رات کہیں چلے گئے ہیں، خاندان کا ان سے رابطہ نہیں ہو پارہا ہے۔