لاہور ( این این آئی) چیئرمین تحریک انصاف عمران خان کی گرفتاری کے بعد جناح ہائوس حملہ، حساس تنصیبات کی لوکیشنز اور اشتعال انگیز پیغامات کے لئے شرپسند مہم واٹس ایپ گروپس میں بھی چلائی گئی۔
پولیس ذرائع کے مطابق گرفتاریوں کے ردعمل کی منصوبہ بندی کرنے والے 159 واٹس ایپ گروپس ٹریک کرلیے گئے۔ نمبروں کے ریکارڈ اور رجسٹریشن کی جانچ شروع کردی گئی۔پولیس ذرائع کے مطابق شرپسند عناصر اشتعال انگیزی کے لیے اکساتے رہے، اشتعال پھیلانے والوں کے اکائونٹس کی ٹریکنگ بھی جاری، لاہورکی مقامی قیادت کے واٹس ایپ میسجز اور روابط کا جائزہ لیاجارہا ہے۔ذرائع کا کہنا ہے کہ اشتعال پھیلانے والوں کی گرفتاری کے لیے چھاپہ مار کارروائیاں شروع کردی گئی ہے۔ سی ٹی ڈی کے حوالے کیے گئے ملزمان کے موبائل کی فرانزک سے کروائی جاری ہے۔
