اسلام آباد(نیوزڈیسک) وفاقی وزیر پٹرولیم شاہد خاقان عباسی نےکہا ہے کہ ایل این جی معاہدے کے لیے مذاکرات کررہے ہیں‘ توقع ہے کہ رواں مہینے ایل این جی کی قیمت طے ہوجائے گی ‘ایل این جی کی قیمت وقت آنے پر سامنے آجائے گی‘قدرتی مائع گیس کےذریعےبجلی گھرچلانےسےسالانہ ایک ارب ڈالرکی بچت ہوگی، پاکستان میں ایل این جی کی قیمت ایشیاء بھرسے سستی ہوگی ‘آئل مافیانہیں چاہتاملک میں توانائی سستی ہو ‘رکاوٹیں ڈالنے والوں کا مقابلہ کریں گے‘ ایل این جی کی درآمد کا تمام عمل انتہائی شفاف انداز میں مکمل کیا گیا ہے، اس حوالے سے نیب یا پارلیمنٹ سمیت کوئی بھی ادارہ تحقیقات کر سکتا ہے۔ انہوںنے گزشتہ روز پی آئی ڈی میں پریس کانفرنس کرتے ہوئے کہا کہ قطر کے ساتھ حکومتی سطح پر ایل این جی کی درآمدکے حوالے سے معاہد ہ ہوچکا ہے لیکن دستخط نہیں ہوئے ‘گزشتہ 10 سال سے تین حکومتوں نے ملک میں ایل این جی لانے کی کوشش کی ہم پہلے 20 ماہ میں ایل این جی لانے میں کامیاب ہوئے ہیں ۔ ایل این جی سے 3600میگاواٹ بجلی بنے گی جو 2017تک سسٹم میں آجائے گی اور سستی ترین بجلی ہوگی‘ وفاقی وزیر نے کہا کہ دنیا ایل این جی پاور پر جارہی ہے‘ کویت جیساملک بھی ایل این جی پر جارہا ہے جو خود آئل ایکسپورٹر ہے‘ انہوںنے کہا کہ ایل این جی کی درآمد کےحوالے سے انہیں آئل مافیا کی جانب سے دھمکیاں اور لالچ دیا گیا‘ انہیںبڑی بڑی آفرزآئی ہیں لیکن ان آفرز کے بعد ان کا جذبہ مزید مستحکم ہوا ہے ‘ انہوں نے کہا کہ ایل این جی کی خریداری کا معاملہ عوام کے سامنے لائیں گے‘آئی این پی کے مطابق پریس کانفرنس کے بعد غیر رسمی گفتگو میںوفاقی وزیر نے اس بات کا انکشاف کیا کہ ایل این جی کی درآمد روکنے کیلئے آئل مافیانے سوئی ناردرن‘ سوئی سدرن کے علاوہ پی ایس اواور میڈیا کوبھی پیسے دیئے ہیں‘قوم کی یہ ذمہ داری ہے کہ وہ آئل مافیا کی باتوں میں نہ آئے۔
پاکستان میں ایل این جی ایشیاء بھرسے سستی ہوگی‘شاہدخاقان
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بسنت کے معاملے میں
-
رمضان 2026 میں صدقۂ فطر اور فدیہ کی نئی رقوم مقرر
-
ٹی ٹوئنٹی ورلڈکپ: آئی سی سی گھٹنے ٹیکنے پر مجبور، پاک بھارت میچ ہونے کا امکان
-
سونے کی قیمت میں بڑا اضافہ
-
پی ٹی آئی کے2 اہم رہنماؤں کو حراست میں لے لیا گیا
-
پنجاب حکومت کی بیوہ خواتین کیلئے سپورٹ کارڈ اسکیم منظور
-
بارشوں کا نیا طاقتور سپیل پاکستان میں داخل، الرٹ جاری
-
صدقہ فطر اور فدیہ صوم کا نصاب جاری
-
اداکارراجپال یادیو قرض تنازع کیس میں تہاڑ جیل منتقل
-
ڈرائیورز خبردار، آن لائن ٹیکسی والوں کے لیے نیا الرٹ جاری
-
آئی سی سی نے پی سی بی اور بی سی بی کے ساتھ مذاکرات کی تفصیلات جاری کردیں
-
سینئر صحافی بلال غوری کراچی ائیرپورٹ سے گرفتار
-
ملک بھر میں آج بھی سونے کی قیمت میں اضافہ
-
38 سالہ سافٹ وئیر انجینئر کی گردن پر ڈور پھر گئی



















































