ممبئی (این این آئی)مہندرا سنگھ دھونی کی ”جیک اسپرو” کے کردار میں تصاویر وائرل ہوگئی ۔سماجی رابطے کی سائٹ پر ایک صارف نے مصنوعی ذہانت کے ٹول مڈجرنی کا استعمال کرتے ہوئے کھلاڑیوں کو ہالی ووڈ فلموں کے کرداروں میں تبدیل کردیا ہے جس کی تصاویر سوشل میڈیا پر تیزی سے وائرل ہورہی ہیں۔
صارف نے مصنوعی ذہانت (آرٹیفیشل انٹیلی جنس) کا استعمال کرتے ہوئے سابق بھارتی کپتان مہندرا سنگھ دھونی کی ہالی ووڈ کی مشہور فلم پائریٹس آف دی کیرئیبین کے کردار جیک اسپرو میں بدل دیاجس کو دیکھ کر مداح حیران رہ گئے۔جان ملور نامی ایک صارف نے دھونی اور کوہلی کی تصویریں شیئر کیں اور لوگوں کی توجہ حاصل کی۔قبل ازیں پرتگال کے اسٹار فٹبالر کرسٹیانو رونالڈو کی مصنوعی ذہانت کا استعمال کرتے ہوئے افطار بنانے کی تصویر سوشل میڈیا پر وائرل ہوئی تھی، ڈیجیٹل آرٹسٹ نے دبئی کی ایک فوڈ اسٹریٹ پر کرسٹیانو رونالڈو کو ایک اسٹریٹ فوڈ فروش کے طور پر دکھایا تھا۔
