ڈیرہ اسماعیل خان (این این آئی)ڈیرہ اسمٰعیل خان پولیس نے پی ٹی آئی کے 55 مظاہرین کے خلاف مقدمہ درج کیا ہے، جن میں سے 25 نامزد ہیں۔نامزد ملزمان میں سابق وفاقی وزیر زرتاج گل اور وزیر اعلیٰ کے ایک سابق مشیر بھی شامل ہیں۔میڈیا رپورٹ کے مطابق مقدمہ انسداد دہشت گردی ایکٹ (اے ٹی اے) اور پاکستان پینل کوڈ (پی پی سی) کی مختلف دفعات کے تحت مقدمہ درج کیا گیا ہے۔مقدمے میں ملزمان پر مبینہ طور پر امن خراب کرنے، سڑکیں بلاک کرنے، حکومت اور فوج کے خلاف نعرے لگانے، پولیس اہلکاروں پر حملہ کرنے اور دیگر غیر قانونی اقدامات کرنے کے الزامات ہیں۔پولیس پی ٹی آئی رہنماؤں اور کارکنوں کی گرفتاری کے لیے چھاپے مار رہی ہے۔

موضوعات:مقدمات