کراچی(این این آئی)پاکستانی خوبرو اداکارہ یمنیٰ زیدی نے انکشاف کیا ہے کہ ڈرامے تیرے بن میں میرب کا کردار ان سے قبل دو اداکاراں کی جانب سے مسترد کیا گیا تھا۔ڈرامہ سیریل تیرے بن میں اداکارہ وہاج علی کے مد مقابل مرکزی کردار میرب ادا کر کے شہرت کی نئی بلندیوں کو چھونے والی اداکارہ یمنیٰ زیدی نے حال ہی میں ایک انٹرویو کے دوران اس ڈرامے سے متعلق کھل کر بات کی ہے۔

اداکارہ نے کہاکہ انہیں یہ ڈرامہ کر کے بہت اچھا لگا، انہیں مزا آ رہا ہے، انہوں نے اس ڈرامے میں کام کر کے ناصرف بہت کچھ سیکھا بلکہ انہیں خود کی اداکارانہ صلاحیتوں کو بھی مزید جاننے میں مدد ملی ہے۔یمنیٰ زیدی نے انٹرویو کے دوران انکشاف کیاکہ ان سے قبل اس ڈرامہ سیریل کی پیشکش صف اول کی اداکارائوں نیلم منیر اور عائزہ خان کو کی گئی تھی مگر دونوں نے یہ پیشکش مسترد کر دی تھی۔یمنیٰ زیدی نے بتایاکہ یہ ڈرامہ کرنے سے قبل وہ کافی تذبذب کا شکار تھیں کہ اتنی بڑی بڑی اداکاراں نے یہ ڈرامہ مسترد کر دیا ہے اور وہ اس میں کردار ادا کریں۔یمنیٰ زیدی نے کہاکہ ڈرامہ سیریل کے ڈائریکٹر نے انہیں یقین دلایا کہ وہ یہ ڈرامہ بہت مختلف اور بہترین بنائیں گے، ایسا کہ جسے یاد رکھا جائے گا، اس طرح انہیں حوصلہ ہوا اور وہ اس ڈرامے میں کام کر کے بہت خوش ہیں۔