کراچی (نیوز ڈیسک) سپریم کورٹ نے کراچی سمیت سندھ میں گاڑیوں کی نئی نمبر پلیٹس کے لئے جلد ٹینڈر جاری کرنے کی ہدایت کر دی۔سپریم کورٹ کراچی رجسٹری میں گاڑیوں کی نئی نمبر پلیٹس کے اجرا کے معاملے کی سماعت ہوئی۔ محکمہ ایکسائز و ٹیکسیشن حکام اور سندھ پروکیورمنٹ اتھارٹی کے ایم ڈی عبد الرحیم عدالت میں موجود تھے، ایم ڈی سپرا عبد الرحیم نے سپریم کورٹ کو بتایا کہ بدعنوانی کے باعث ٹینڈر روکے گئے تھے۔ سپریم کورٹ نے ہدایت کی کہ محکمہ ایکسائز اور سپرا مل کر اس معاملے کو طے کریں اور نئی نمبر پلیٹس جاری کی جائیں۔