سرگودھا(نیوز ڈیسک) جہاں آباد کے قریب پاک فضائیہ کا ڈرون طیارہ فنی خرابی کے باعث گرکر تباہ ہو گیا۔نجی ٹی وی کے مطابق سرگودھا کے علاقے جہان آباد کے قریب پاک فضائیہ کا ڈرون طیارہ فنی خرابی کے باعث گرکر تباہ ہوگیا۔ ڈی سی او ثاقب منان کا کہنا ہے کہ حادثے کا شکار ہونے والا ڈرون طیارہ تربیتی پرواز پر تھا تاہم حادثے میں کسی جانی نقصان کی اطلاعات نہیں ہیں۔واضح ر ہے کہ 9 روز قبل مستونگ کے علاقے شیر ناپ میں بھی پاک فضائیہ کا تربیتی طیارہ گر کر تباہ ہوگیا تھا تاہم حادثے میں پائلٹ محفوظ رہا تھا