کراچی (مانیٹرنگ ڈیسک) پاکستان اور نیوزی لینڈ کے درمیان پانچواں اور آخری ون ڈے میچ کراچی میں جاری ہے جس میں امام الحق کو پلیئنگ الیون کا حصہ نہیں بنایا گیا ہے، میچ شروع ہونے سے قبل پاکستانی بلے باز امام الحق کی ذو معنی ٹوئٹ نے کرکٹ کے حلقوں میں نئی بحث چھیڑ دی ہے۔

اپنے ٹوئٹر پیغام میں انہوں نے لکھا کہ زندگی ایک غیر متوقع سفر ہے، اس لیے کسی سے کچھ امید نہ رکھیں صبر کریں، اللہ دیکھ رہا ہے۔یاد رہے انہیں چوتھے میچ میں بھی نہیں کھلایا گیا تھا، اس سے قبل انہوں نے پریس کانفرنس میں ساتھی کھلاڑیوں کے بارے میں بات کی اور مزید تجربات نہ کرنے کا کہا تھا، کرکٹ کے حلقوں کے مطابق انہیں اس بیان کی وجہ سے نہیں کھلایا جا رہا ہے۔

“Life is an unexpected journey so never expect anything from anyone”. Be patient, Allah is watching❗️

— Imam Ul Haq (@ImamUlHaq12) May 7, 2023