لاہور(نیوزڈیسک)لاہورہائیکورٹ کے جسٹس مقبول محمود باجوہ اورجسٹس مسعود عابد نقوی پر مشتمل الیکشن اپیلٹ ٹربیونل نے این اے 122سے ضمنی انتخابات میں حصہ لینے والے سردار ایاز صادق اورعبدالعلیم خان کے کاغذات نامزدگی کی منظوری کے خلاف دائرمختلف درخواستوں پر ایاز صادق اور عبدالعلیم خان کو 18ستمبر کےلئے نوٹس جاری کر دئیے ۔پاکستان عوامی تحریک کے اشتیاق اے خان اور جسٹس پارٹی کے حافظ طلحہ ایڈووکیٹ کی جانب سے دائردرخواستوں میں موقف اختیارکیا گیا کہ تحریک انصاف کے امیدوار عبدالعلیم خان نے اپنے اثاثے ظاہر نہیں کئےان کی آمدن ان کے اخراجات سے مطابقت نہیں رکھتی،عبدالعلیم خان آئین کے آرٹیکل 62اور 63پر پورا نہیں اترتےلہٰذآانکے کاغذات نامزدگی مسترد کئے جائیں۔درخواستوں میں مزید کہا گیا ہے کہ مسلم لیگ (ن) کے امیدوار اورسابق سپیکر قومی اسمبلی سردارا ایازصادق پر دھاندلی کے الزامات ہیں۔ الیکشن ٹربیونل نے سردار ایاز صادق کو 25لاکھ روپے جرمانہ بھی کیا ہے یوں وہ بھی آئین کے آرٹیکل 62اور 63پر پورا نہیں اترتے۔ لہٰذاانکے کاغذات نامزدگی مسترد کئے جائیں۔درخواستوں میں کہا گیا ہے کہ ریٹرننگ افسر نے ان امیدواروں پر عائد اعتراضات پر درست فیصلہ نہیں دیا لہٰذادونوں امیدواروں کو انتخابات کے کئے نااہل بھی قرار دیا جائے۔

مزید پڑھئے:نیب زیادہ دیرخاموش نہ رہ سکی ،پیپلزپارٹی پردوبارہ سے حملہ کردیا