لاہور( این این آئی)وفاقی وزیر داخلہ رانا ثنا اللہ نے کہا ہے کہ صوبائی حکومت چھاپے کیلئے پیشگی اطلاع دینے کی پابند نہیں ہوتی، آپریشن کیلئے وفاقی فورسز کی ضرورت ہو تو لکھ کر دیا جاتا ہے، پرویزالٰہی کے گھر پر آپریشن میرے نوٹس میں نہیں تھا، مجھے میڈیا کے ذریعے آپریشن کا علم ہوا۔ نجی ٹی وی سے گفتگو کرتے ہوئے انہوں نے کہا کہ فوری طور پر سی سی پی او لاہور سے رابطہ کرنے کی کوشش کی، اعلی سطح سے رابطے کی کوشش کی لیکن ممکن نہ ہوا، موقع پر موجود لوگ ہی ذمہ دارہیں، فورس کے استعمال کے تجاوز کی وجوہات بتانی چاہئیں، دروازہ توڑ کر کسی کے گھر میں داخلے کی اجازت نہیں ہوتی۔