لاہور( این این آئی) وفاقی وزیر خزانہ اسحاق ڈار نے تحریک انصاف کی مذاکراتی ٹیم کے سربراہ مخدوم شاہ محمود قریشی سے ٹیلیفونک رابطہ کیا ۔ میڈیا رپورٹ کے مطابق وفاقی وزیر خزانہ اسحاق ڈار نے چودھری پرویز الٰہی کے گھر پر حملے ، چادر اور چار دیواری کی پامالی پر افسوس کا اظہار کیا۔شاہ محمود قریشی نے اسحاق ڈار کو چودھری پرویز الٰہی کے خاندان کے جذبات سے آگاہ کیا۔وزیر خزانہ اسحاق ڈار نے کہا کہ چودھری پرویز الٰہی کے گھر پر حملے سے وفاقی حکومت کا کوئی تعلق نہیں ہے، یہ کارروائی نگران پنجاب حکومت کی جانب سے کی گئی ہے۔انہوں نے کہا کہ تحریک انصاف کے جذبات سے اپنی قیادت کو آگاہ کریں گے،اس سلسلے میں جلد تحریک انصاف سے دوبارہ رابطہ کریں گے۔