راولپنڈی (این این آئی)سیکیورٹی فورسز نے بہادری سے لڑتے ہوئے ضلع لکی مروت میں مختصر وقت کے اندر مختلف مقامات پر دہشت گردوں کے تین حملوں کو ناکام بنا دیا، فائرنگ کے تبادلے میں سات دہشت گرد مارے گئے، تین اہلکاروں نے جام شہادت نوش کیا۔
میڈیا رپورٹ کے مطابق لکی مروت میں سیکیورٹی فورسز کی چوکی کے قریب موٹرسائیکل سوار خودکش بمبار نے خود کو دھماکے سے اڑا لیا جس کے بعد سیکیورٹی فورسز اور دہشت گردوں کے درمیان شدید فائرنگ کا تبادلہ ہوا،سیکیورٹی فورسز نے دہشت گردوں سے موثر انداز میں مقابلہ کیا جس کے نتیجے میں 4 بار دہشت گردوں کو جہنم واصل کر دیا گیا۔ضلع لکی مروت کے علاقے امیرکلام اور تاجبی خیل میں دہشت گردوں کے ساتھ دو دیگر مقابلوں میں دہشت گرد کمانڈر موسیٰ خان سمیت 3 گنا مزید دہشت گرد مارے گئے۔
ہلاک ہونے والے سات دہشت گردوں سے اسلحہ اور گولہ بارود بھی برآمد ہوا ہے تاہم شدید فائرنگ کے تبادلے کے دوران نائب صوبیدار تاج میر ساکن ڈسٹرکٹ نوشہرہ، حوالدار ذاکر احمد ساکن ڈسٹرکٹ ایبٹ آباد اور سپاہی عابد حسین ساکن ڈسٹرکٹ ڈی آئی خان بہادری سے لڑتے شہید ہو گئے۔ آخری اطلاعات تک علاقے میں ممکنہ طور پر دہشت گردوں کی موجودگی کے پیش نظر کلیئرنس آپریشن جاری تھا۔ آئی ایس پی آر کے مطابق پاکستان کی سیکیورٹی فورسز دہشت گردی کی لعنت کو ختم کرنے کے لیے پرعزم ہیں اور ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔
