لندن(نیوز ڈیسک) ریسرچرز نے متنبہ کیا ہےکہ کرسیاں ہماری خاموش قاتل ہیں، لہٰذازیادہ کرسی پر بیٹھے رہنے کے بجائے اٹھ کرتھوڑی دیر ٹہل لیاکریں۔ ٹائمز نے یہ خبر دیتے ہوئے لکھا ہے کہ ایک سٹڈی سے یہ ثابت ہوا ہے کہ 5گھنٹے سے زیادہ کرسی پر بیٹھے رہنے سے جگر کی شدید خرابی پیدا ہوسکتی ہے۔اخبار کے مطابق ریسرچرز نے متنبہ کیا ہے کہ 50فیصد سے زیادہ افراد دیر تک بیٹھے رہنے کے عادی ہوتے ہیں جس میں دفتر میں کام کے علاوہ ٹی وی دیکھنا اور کمپیوٹر پر کام شامل ہے۔ ریسرچرز کی رپورٹ کے مطابق جو لوگ روزانہ 5سے 9 گھنٹے تک بیٹھے رہتے ہیں انھیں5گھنٹے سے کم بیٹھے رہنے والوں کے مقابلےمیں شراب کے استعمال کے بغیر جگر پر چربی چڑھنے جیسے امراض لاحق ہونے کا خطرہ 4فیصد زیادہ ہوتاہے ،جبکہ 10گھنٹے سے زیادہ بیٹھے رہنے والوں کو ان امراض کاخطرہ 10فیصد زیادہ ہوتاہے۔یہ صورتحال ان لوگوں میں بھی دیکھنے میںآئی جن کاباڈی ماس انڈیکس 23سے بھی کم ہے جبکہ 25سے زیادہ بی ایم آئی کو زیادہ وزن والا تصور کیاجاتاہے

مزید پڑھئے:سکیورٹی فورسز نے پورے حیدر آباد کو تباہی سے بچا لیا