اسلام آباد (مانیٹرنگ ڈیسک )معروف فلپائنی ٹک ٹاکر نے اذان سے متاثر ہوکر اسلام قبول کرلیا۔ نجی ٹی وی کے مطابق دبئی سے تعلق رکھنے والی مشہور فلپائنی ٹک ٹاکر فیونا جیمز نے رمضان کے مقدس مہینے میں اسلام قبول کر لیا۔عرب میڈیا رپورٹس کے مطابق ویڈیو شیئرنگ ایپ ٹک ٹاک پر تقریباً 0.8 ملین فالوورز رکھنے والی فیونا نے رمضان کے پہلے ہفتے میں دبئی کے اسلامک انفارمیشن سینٹر ستوا میں اسلام قبول کرنے کے بعد اپنا نام زینب رکھا ہے ۔ زنیب نے بتایا ہے کہ وہ آٹھ سال قبل یو اے ای شفٹ ہوئی تھی اور مساجد میں آنے والی اذان کی آواز انہیں متاثر کرتی رہتی تھی ۔