لاہور(مانیٹرنگ ڈیسک)قومی کرکٹ ٹیم کے اہم کھلاڑی یونس خان ویسٹ انڈیز کے خلاف اپنی آخری ٹیسٹ سیریز کے دوران کرکٹ کے ریکارڈ قائم کرتے جارہے ہیں۔ یونس خان زیادہ کیچز تھامنے والوں کی فہرست میں 12 ویں نمبر پر آگئے۔ یونس خان نے برج ٹاؤن ٹیسٹ میں روسٹن چیس کومیدان بدر کرنے میں

محمد عامر کی معاونت کرتے ہوئے کیریئر کا 136واں کیچ تھاما۔ٹیسٹ کرکٹ میں سب سے زیادہ 210کیچز کا ریکارڈ راہول ڈریوڈ نے قائم کررکھا ہے۔سری لنکا کے سابق اسٹار مہیلا جے وردنے(205) کیچزکےساتھ دوسرے اور سابق جنوبی افریقی آل راؤنڈریاک کیلس(200) کیچزکےساتھ تیسرے نمبر پر براجمان ہیں۔

موضوعات:یونس خان