لاہور(مانیٹرنگ ڈیسک)پاکستان کرکٹ ٹیم کے سابق کپتان رمیز راجہ نے فلم انڈسٹری میں قدم رکھنے کا اعلان کردیا ہے۔نجی ٹی وی چینل سے گفتگو کرتے ہوئے رمیز راجہ نے کہاہے کہ کرکٹ کی مدد سےدہشت گردی ختم کرنے کےموضوع پرفلم بنارہے ہیں جس کے لیے بھارت کے معروف اداکار سنجے دت کو مرکزی کردار کے لیے کاسٹ کیا ہے۔

انہوں نے کہاکہ پاکستان اداکارہ ماہرہ خان ، بالی ووڈ اداکارہ کترینہ کیف جیسی ہیروئنز میں بہت صلاحیت ہے، فلم میں ہیروئن کے کردار لیے خواہش ہے ان دونوں کو بھی فلم میں شامل کروں۔رمیزراجہ نے مزیدکہاکہ فلم کی اداکار سنجے دت کے مقابلے میں ہیروئن کون ہونگی یہ ابھی طے نہیں کیا گیالیکن فلم ایکشن سے بھرپورہوگی ۔

موضوعات:رمیزراجہ