اسلام آباد (این این آئی)پاکستان تحریک انصاف کے مرکزی رہنما اسد عمر نے عمران خان کی سیاسی جماعتوں سے مذاکرات کی شرط رکھ دی۔ایک انٹرویومیں اسد عمر نے کہا کہ عمران خان سیاسی جماعتوں کے ساتھ آگے بڑھنے کو تیار ہیں۔انہوں نے شرط رکھی کہ عمران خان مذاکرات کیلئے انڈر ٹیکنگ دینے کو تیار ہیں، حکومت کی طرف سے بھی انڈر ٹیکنگ ہونی چاہیے۔اسد عمر نے کہا کہ چیف جسٹس اہم بات کررہے ہیں کہ تمام جماعتیں ایک لائحہ عمل پر اتفاق رائے کریں۔انہوں نے کہاکہ چیف جسٹس آزادانہ ماحول کا کہہ رہے ہیں، اْن کی یہ مثبت بات ہے کہ سب کو اکٹھا کرنا چاہتے ہیں۔پی ٹی آئی کے مرکزی رہنما نے کہا کہ عدالت کے ریکارڈ پر ایسی چیزیں آنی چاہئیں جس کی بنیاد پر الیکشن ہوں۔انہوں نے کہا کہ چیف جسٹس سیاستدان نہیں، ان کا کام آئین پر عمل کروانا ہے، یہی چیف جسٹس تھے جن کے فیصلہ پر تحریک انصاف کی حکومت ختم ہوئی۔