پونچھ (این این آئی)الیکشن کمیشن نےآزاد کشمیر بلدیاتی انتخابات کے دوسرے مرحلے میں پونچھ ڈویژن کے تمام 702 یونین کونسلز میں سے 696 کے نتائج جاری کر دئیے۔الیکشن کمیشن کے مطابق پونچھ ڈویژن میں سب سیزیادہ 234 آزاد امیدوار کامیاب ہوئے، پاکستان تحریک انصاف 200 اور مسلم لیگ ن 106 نشستیں جیتنے میں کامیاب ہوئی۔

اس کے علاوہ پاکستان پیپلزپارٹی 100، جے یو آئی ف 3، مسلم کانفرنس 24،جموں کشمیر پیپلزپارٹی 15،جماعت اسلامی اور تحریک لبیک 7،7 نشستوں پر کامیاب ہوئی۔واضح رہے کہ گزشتہ دنوں پونچھ ڈویژن کے 4 اضلاع راولا کوٹ، باغ، پلندری اور حویلی میں انتخابات ہوئے۔ووٹنگ کے لیے 1 ہزار 867 پولنگ اسٹیشنز قائم کیے گئے، پونچھ ڈویژن میں 12 امیدوار پہلے ہی بلامقابلہ منتخب ہو چکے ہیں۔