واشنگٹن(مانیٹرنگ ڈیسک) پاکستانیوں کا ایک اور گروپ اسرائیل کے دورے پر روانہ ہو گیا، اس سے قبل مئی 2022ء میں پاکستانی امریکیوں کے وفد نے اسرائیل کا دورہ کیا تھا، اب ایک اور پاکستانی امریکیوں کا گروپ دورے پر روانہ ہو گیا ہے۔ اسرائیل جانے والے اس گروپ میں مسلمان امریکی، جنوبی ایشیائی امریکیوں سمیت اے ایم ایم ڈبلیو ای سی اور شراکۃ (اسرائیل، متحدہ عرب امارات اور بحرین کے شہریوں کی طرف سے 2020ء میں قائم کی گئی تنظیم، جس کا مقصد اسرائیل اور مسلم دنیا کے مابین تعلقات بحال کرانا ہے) کے اراکین شامل ہیں۔ اس گروپ میں ڈاکٹر نسیم اشرف سمیت کئی پاکستانی امریکی صحافی اور مذہبی شخصیات بھی شامل ہیں۔