لاہور(این این آئی)تحریک انصاف کے جلسے کے منتظمین نے کہا ہے کہ ٹھیکیدار کی غلطی کی وجہ سے چند ایک مقامات پرپارٹی پرچم قومی پرچم سے اوپر لگے تاہم غلطی کی نشاندہی پر اسے فوری درست کر لیا گیا۔ نجی ٹی وی نے پی ٹی آئی کے جلسے کے منتظمین کے حوالے سے کہا ہے کہ جشن آزادی کے جلسے کے سلسلہ میں 25ہزار قومی اور25ہزار پارٹی پرچم تیار کرائے گئے۔قومی اور پارٹی پرچم لگانے کے لئے ٹھیکیدار کو ٹھیکہ دیا گیا۔ چند ایک مقاما ت پر ٹھیکیدار کی غلطی کی وجہ سے پارٹی پرچم قومی پرچم سے اوپر لگ گئے تاہم جیسے ہی اس غلطی کی نشاندہی کی گئی تو اسے فوری دور کر لیا گیا۔