اسلام آباد (آن لائن ) وفاقی وزیراطلاعات ونشریات فواد چودھری نے کہا ہے کہ عمران خان کو ہٹا کر اپوزیشن اپنی اولاد اور مال کا سوچے گی یا قوم کا؟ سارے ڈاکو پاکستان کو لوٹ کا مال سمجھتے ہیں، ان سب کو جیلوں میں ہونا چاہئے، ملک کیخلاف سازشوں کی اجازت نہیں دینی چاہیئے۔ انہوں نے اپوزیشن رہنماؤں مولانا فضل الرحمان،

شہبازشریف اور آصف علی زرداری کی ملاقات پرمشترکہ ملاقات پر اپنے تبصرے میں کہا کہ یہ مجلس دیکھیں ان کے چہرے دیکھیں یہ عمران خان کو ہٹا کر اپنی اولاد اور مال کا سوچیں گے یا قوم کا؟ انہوں نے کہا کہ سارے ڈاکو پاکستان کو لوٹ کا مال سمجھتے ہیں ان تمام کو جیلوں میں ہونا چاہئے نہ کہ ان کو یہ اجازت دی جائے کہ وہ ملک کیخلاف سازشیں کرتے پھریں۔انہوں نے وزیراعظم عمران خان کے دورہ روس سے متعلق بتایا کہ روس کے صدر پیوٹن اور وزیراعظم پاکستان عمران خان کی آج کی ملاقات ایک بین الاقوامی ایونٹ ہے، جس طرح کے آگے حالات بن رہے ہیں اس میں ایک بہت بڑی جیوپولیٹیکل اور جیو اسٹریٹجک اہمیت ہے۔وفاقی وزیراطلاعات فواد چودھری نے کہا کہ ہمارے لیے یہ جو دورہ پہلے تھا کہ منسوخ کردیں، لیکن دورے ایک دور دن میں نہیں ہوتے،آخری وقت میں منسوخ کرنا مناسب نہیں تھا، امریکا اور یورپ سے ہمارے تعلقات بڑی اہمیت کے حامل ہیں، لیکن ہم سمجھتے ہیں چین اور روس کے ساتھ بھی ہمارے تعلقات ہونے چاہئیں۔یہ دورہ خطے کی معاشی ترقی کیلئے بڑا اہم ہے،اسی وجہ سے دورہ کیا جارہا ہے، آج صبح بھی جب یہ واقعہ ٹی وی چینلزپر رپورٹ ہوا تھا تو ہم نے سمجھا کہ دورے کو ادھورا چھوڑنا مناسب نہیں ہے، یوکرائن کا بہت بڑا واقعہ ہوا یہ نہیں ہوسکتا کہ اس پر بات نہ ہو۔

موضوعات:فواد چودھری