لاہور (مانیٹرنگ ڈیسک) سوشل میڈیا پر ان دنوں خبریں ہیں وینا ملک اور ان کے شوہر اسد خٹک کی ۔ سب کچھ ٹھیک چل رہا تھا اور پھر اچانک خبر آئی کہ لالی ووڈ کی معروف اداکارہ وینا ملک نے اپنے شوہر سے خلع لے لیا ہے ۔ پہلے تو کسی کو بھی اس خبر پر یقین نہیں آیا تاہم پھر پتہ چلاکہ بات سچ ہے اور وینا اسد خٹک سے خلع لے چکی ہیں ۔

خلع لینے کے پیچھے وجوہات کیا تھیں ؟ یہ بات کسی کو معلوم نہیں تھی تاہم تازہ ترین سوشل میڈیا رپورٹس کے مطابق وینا کے ایک قریبی دوست نے نجی ٹی وی چینل پر انکشاف کیا ہے کہ وینا ملک کے شوہر ان کو تشدد کا نشانہ بناتے تھے ۔ انہوں نے کہا کہ وینا ملک اور اسد خٹک نے شادی سے قبل یہی ظاہر کروایا کہ اسد خٹک ایک بہت امیر اور کروڑ پتی آدمی ہیں حالانکہ ایسا کچھ نہیں تھا ۔اسد خٹک ایک کنسٹرکشن کمپنی میں بطور مینجر کام کرتے تھے۔ انہوں نے پاکستان واپسی پر ورلڈ کپ کے موقع پر گانے بھی بنائے لیکن کامیابی حاصل نہ کر سکے۔ وینا ملک نے اپنا کیرئیر دوبارہ سنبھالا جس سے دونوں میں اختلاف شروع ہو ا اور بات علیحدگی تک جا پہنچی ۔ اب قرین قیاس یہی ہے کہ وینا اپنے شوہر سے علیحدگی اختیار کر لیں گی جبکہ اسد خٹک کا کہنا ہے کہ وہ وینا کو منا لیں گے ۔

موضوعات:اسد خٹک وینا ملک