لاہور(مانیٹرنگ ڈیسک)لاوہر اسٹیج اداکارہ قسمت بیگ کی میت کا پوسٹ مارٹم مکمل ہوگیا جبکہ اہل خانہ نے موقف اپناناہے کہ ان کی کسی سے کوئی دشمنی نہیں ہے نہ جانے قسمت بیگ کی کسی سے دشمنی تھی یا رقم کا کوئی تنازع تھا قسمت بیگ کا قتل کیوں ہوا وجہ تاحال سامنے نہ آسکی ۔گزشتہ ر وزلاہورمیں قاتلوں نے ادکارہ پر بارہ گولیاں برسائیں گیارہ گولیاں ٹانگوں پر لگیں اور ایک فائر ہاتھ میں لگا تاہم ابتدائی رپورٹ کے مطابق خون زیادہ بہنے سے قسمت بیگ کو بچایا نہیں جاسکا ۔

اہل خانہ کے مطابق اداکارہ پر پہلے بھی دو بار حملہ ہوا لیکن کبھی کوئی ملزم سامنے نہیں آیا، مقتولہ کے دو بیٹے ہیں جبکہ چند سال پہلے خاوند سے علیحدگی ہوچکی تھی۔پولیس نے قاتلانہ حملے کا مقدمہ نامعلوم افراد کے خلاف درج کیا ہے ساتھ ہی قسمت بیگ کے محافظ علی بٹ کا ابتدائی بیان بھی ریکارڈ کرلیا گیا ہے اور تفتیش کو آگے بڑھانے کے لئے مقتولہ کے موبائل ریکارڈ کی چھان بین کی جائے گی

موضوعات:پوسٹ مارٹم قسمت بیگ